Воконик нь өгөгдлийн шинжлэх ухаан, судалгаа, орон нутгийн оролцооны компани бөгөөд орон нутгийн иргэд, компаниуд, засаг захиргааг холбох гүүр болон ажилладаг. Воконик нь 2019 онд байгуулагдахдаа орон нутаг болон тухайн орон нутагт үйл ажиллагаа эрхэлж буй аж ахуйн хоорондын харилцааг судалсан 10 гаруй жилийн судалгаааа улам эрчимжүүлэх зорилго тавьсан.

Воконик нь тухайн орон нутгийн иргэд ямар асуудлыг чухалчилж байна вэ гэдгийг ойлгох, компаниас орон нутагтай бат бэх харилцаа бий болгоход туслахад чиглэсэн орон нутгийн иргэдийн судалгаа, оролцооны арга зүйг хэрэгжүүлдэг. Орон нутгийн иргэдийн хандлагын судалгааны мэдээллийг урт хугацаанд давтамжтай цуглуулж, дүн шинжилгээ хийгээд харилцагч компани болон орон нутгийн иргэдэд хүртээмжтэй, хэрэгцээтэй хэлбэрээр хүргэдэг. Манай харилцагч компанийн хувьд орон нутгийн иргэдэд нэн чухал асуудлуудыг үйл ажиллагаандаа тусгах боломж бүрддэг.

Байгууллагууд өөрийн хөөрийн үйл ажиилагааны улмаас үүсэх нөлөөлөл ба үр өгөөжийг харилцан ойлголцсоны үндсэн дээр хамтран ажилладаг орон нутгийнхаа иргэдийг илүү сайн ойлгох, харилцаагаа сайжруулах, итгэлийг бэхжүүлэхийг хүсдэг.

Тухайн компанийн төслийн ойр очмын орон нутгийн иргэдийг уг судалгаанд өргөнөөр оролцохыг уриалдаг: Тухайн орон нутгаас аль болох олон хүний оролцоог хангахыг бид зорьдог. Гол зорилго нь орон нутгийн иргэдийг төлөөлөхүйц өргөн хүрээтэй түүвэр бүрдүүлэх явдал юм.

Судалгааны давтамж янз бүр. Дэлгэрэнгүй суурь судалгаа юун түрүүнд хийгдэнэ. "Хэмнэл" тогтоох дараа дараагийн судалгаа нь сар, улирал, хагас жил тутам гэх мэт давтамжтай явагддаг.

Энэ судалгаа нь тухайн компанид холбогдолтой тодорхой асуудлуудын талаарх орон нутгийн иргэдийн хандлагыг олж мэдэхийг зорьдог. Тухайлбал тухайн компанийн орон нутгийн хөгжлийг дэмжих хөтөлбөрийн үр дүн, компанийн үйл ажиилагааны улмаас үүссэн сөрөг нөлөөлөл (жишээ нь тоос, дуу чимээ, тэсэлгээнээс үүсэх чичэрхийлэл), эерэг нөлөөлөл (ажил эрхлэлт, мэргэжлийн сургалт боловсрол, хөгжлийг дэмжих хөтөлбөрүүд) зэргийг дурьдаж болно. Түүнчлэн энэ судалгаа орон нутгийн иргэд ба компанийн хоорондын харилцааны мөн чанарыг тодорхойлоход анхаардаг.

Оролцогчоор бүртгүүлсний дараа "хэмнэл" тодорхойлох богино судалгааг ердөө 5 минутад дуусгах боломжтой. Харин суурь судалгаа нь илүү дэлгэрэнгүй учраас 15-20 орчим минут болдог. Суурь судалгааны үр дүнд үндэслэн "хэмнэл" судалгаанд ямар асуулт оруулахыг тодорхойлдог.

Боломжтой. Онлайн судалгааны системийг ашиглах боломжтой аливаа төхөөрөмж дээр судалгаанд хариулж болдог. Судалгааны асуултууд тухайн төхөөрөмжийн дэлгэцийн хэмжээнд нийцэж харагдана. Iphone, Ipad, Андройдын гар утас, таблетууд, бусад нийтлэг утас, таблетүүд, интернетийн ихэнх браузер ашиглан судалгаанд хариулах боломжтой.

Боломжтой. Судалгааны ажлыг эхлүүлэхийн өмнө хамгийн тохиромжтой арга замыг үнэлж, тодорхойлдог. Энэ талаар та бүхэнд санал, асуулт байвал Вокониктой холбогдоорой.

Энэ судалгаанд нэг төхөөрөмжөөс олон удаа оролцох боломжтой байхаар зохиосон. Ингэснээр олон хүмүүс нийтийн хэрэглээний төхөөрөмжөөс оролцож болно гэсэн үг. Энэ нь гэртээ интернетгүй эсвэл компьютергүй хүмүүс энэ судалгаанд эрх тэгш, саадгүй оролцох боломжийг бүрдүүлэхэд чухал юм.

боловсруулах систем өндөр нарийвчлалтай бөгөөд нэг төхөөрөмжөөс нэгээс дээш удаа орж ирсэн тохиолдол бүрийг анхааруулдаг. Түүнчлэн олон өөр төхөөрөмжөөс ижил төстэй хариултууд ирэхэд бидэнд анхааруулдаг (Жишээ нь нэг хүн олон өөр төхөөрөмж ашиглан судалгааг бөглөх тохиолдолд). Манай систем ийм хариултуудыг нягтлах анхааруулга өгдөг (Нягтлах ажлыг манай өгөгдлийн шинжээч хийх эсвэл статистикийн тусгай аргаар явуулдаг). Хэрэв нэг хүн олон удаа судалгааг бөглөсөн нь тогтоогдвол илүү хариултуудыг хэрэгсэхгүй болгож, судалгааны дүнг гаргахад оруулахгүй хасдаг.

Түүнчлэн, бид олон талт нарийн ээдрээтэй асуудлыг ойлгох, гүн гүнзгий танин мэдэхэд зориулж судалгааны загвараа боловсруулсан. Тухайн асуудлыг дэмжиж буй хариултын хувь, нийт жин бол бидний зүгээс захиалагч талд өгөх үр дүнгийн зөвхөн нэг л хэсэг юм. Үүнээс сонирхолтой зүйл нь ялгаатай бүлгүүдийн дундаж хоорондын ялгаа болон тэр ялгаа ямар учраас илэрч байгааг тодорхойлох явдал байдаг.

Воконик оролцогчдын эрхийг хамгаалахад зориулсан ёс зүйн хатуу чанд бодлоготой. Судалгааны бүх мэдээллийн аюулгүй хадгалж, хувь хүний мэдээллийг харилцагч байгууллага болон гуравдагч этгээдэд дамжуулдаггүй. Оролцогчийн хувийн мэдээллийг чанд хамгаална. Воконикийн бодлого, үйл ажиллагаа нь Монгол улсын Хүний хувийн мэдээлэл хамгаалах тухай хуульд бүрэн нийцдэг.

Воконикийн хувьд судалгаанд оролцогчийн хувийн мэдээлэл болон судалгаанд өгсөн хариултуудыг тусд нь хадгалдаг бөгөөд зөвхөн төслийн зарим ахлах мэргэжилтнүүд танилцах боломжтой байдаг. Захиалагч болон бусад талуудын хувьд анхдагч мэдээлэл биш зөвхөн нэгтгэсэн дүнг л хүлээн авч танилцах боломжтой.

Воконикийн хувьд судалгаанд оролцогчийн хувийн мэдээлэл болон судалгаанд өгсөн хариултуудыг тусд нь хадгалдаг бөгөөд зөвхөн төслийн зарим ахлах мэргэжилтнүүд танилцах боломжтой байдаг. Захиалагч болон бусад талуудын хувьд анхдагч мэдээлэл биш зөвхөн нэгтгэсэн дүнг л хүлээн авч танилцах боломжтой.

Воконик цуглуулсан мэдээлэлд дүн шинжилгээ хийж, үр дүнг орон нутагт ба компанид хүртээмжтэй, хэрэгцээтэй хэлбэрээр танилцуулдаг. Компани нь орон нутаг тус бүрийн нэгдсэн дүнг хүлээн авах замаар орон нутгийн иргэдтэй хэр сайн харилцаж буйгаа тандах боломжтой юм.
Нэгтгэсэн дүнг дараах зорилгод ашиглаж болно. Үүнд:

• Байгууллагын орон нутгийн оролцооны болон олон нийттэй харилцах үйл ажиллагаанд иргэд итгэж, хүлээн авч буй байдал түүний шалтгааны тодорхойлох
• Салбар, бодлого боловсруулагчдын цаашид гаргах шийдвэр, үйл ажиллагааг мэдээллээр хангах
• Воконикийн урт хугацаанд хийж ирсэн уул уурхай ба орон нутгийн харилцааг судлах өргөн хүрээтэй судалгаанд ашиглах

Байгууллагууд нь энэ мэдээллийг ашиглан орон нутагт ач холбогдолтой үр дүнг бий болгохыг зорьдог. Судалгааны мэдээллийг компанийн орон нутгийн оролцооны үйл ажиллагаа ба орон нутгийн хөгжлийн дотоод хэрэгцээнд ашигладаг.

Судалгаанд оролцогч нь судалгаанд хариулж дуусгаснаар токен буюу цахим нэгж хүлээн авдаг. Энэ нэгжийг Воконикд бүртгүүлсэн орон нутгийн олон нийтийн, ашгийн бус байгууллагад хандивлах боломжтой. "Хэмнэл" судалгааг хийж дууссаны дараа Воконикоос орон нутгийн байгууллауудад хэдэн токен цугларсан, түүний мөнгөн дүн хэд болохыг мэдээлдэг.

Орон нутгийн байгууллага гэдэгт тухайн орон нутагт үйл ажиллагаа явуулдаг сургууль, тусламжийн байгууллагууд, ашгийн бус байгууллага, клубүүдыг оруулна.

Судалгаанд оролцох нь сайн дурынх бөгөөд оролцогч хэдий ч татгалзаж болно. Оролцохоос татгалзснаар оролцогчид ямар ч хариуцлага, үр дагавар байхгүй, татгалзах болсон шалтгаан хэлэх албагүй болно. Судалгааны үр дүн нэгэнт ил болсоны дараа оролцогчийн мэдээллийг хасах боломжгүй боловч үүнээс өмнө судалгаанд оролцохоос хэдий ч татгалзаж болно.

Ямар ч асуудалгүй. Орон нутгийн иргэд Орон нутгийн хоолой судалгаанд хэдийд ч оролцож болно. Воконикоос "Хэмнэл" судалгаа явагдахад судалгаанд оролцох цахим хаяг буюу урилгыг илгээх ба хэрэв урилга хүлээн авахаас татгалзаагүй тохиолдолд судалгаа явагдах бүрт урилгыг илгээнэ.

Байхгүй. Тийм хязгаарлалт байхгүй болно.

Шаардлага хангасан орон нутгийн байгууллагын эрх бүхий төлөөлөлд цуглсарсан токены талаар судалгаа явагдах бүрт тогтмол мэдээлэл илгээдэг. Воконик нь орон нутгийн тухайн байгууллага хичнээн токен хүлээн авсан талаар нээлттэй мэдээлдэггүй боловч нийт хандивын дүнг орон нутаг тус бүрт болон компанид мэдээлдэг.

Хандивыг судалгаа явагдах хугацаа дууссаны дараа эсвэл орон нутгийн байгууллага хандиваа хүлээн авах хүсэлт гаргах үед илгээнэ. Мөнгөн хандив хүлээн авахыг хүссэн бол тухайн орон нутгийн байгууллага нэхэмжлэлээ Воконикт илгээх хэрэгтэй. Хүсэлт гаргах талаарх дэлгэрэнгүй мэдээллийг төслийн холбогдох цахим хуудаснаас авна уу. Хүсэлт гаргаснаас хойш 30 хоногт төлбөрийг шилжүүлнэ. Нэмэлт мэдээллийг бүртгэлтэй орон нутгийн байгууллагад илгээнэ.